Postfolklorys grupys “Rikši” koncerts raidejumā “Kolnasāta”

LaKuGa 26. Decembris, 2015. gods Comments Off on Postfolklorys grupys “Rikši” koncerts raidejumā “Kolnasāta”
Postfolklorys grupys “Rikši” koncerts raidejumā “Kolnasāta”

Postfolklorys grupa “Rikši” “Kolnasātys” Zīmyssvātku specializlaidumā. “Rikšu” jaunī i azartiskī muziki – Ēriks Zeps (akordeons, bolss), Zane Dukaļska (sytaminstrumenti, bolss), Madara Bruoliša (vejūle) i Ivars Utāns (basgitara, bolss) soka, ka vys vēļ ir gryuši formulēt, kū eistyn nūzeimoj “postfolklora”. Atbiļdi iz itū vaicuojumu var rast, klausūtīs “Rikšu” minikoncertu “Kolnasātys” studejā.

“Rikši” svietej pīcu godu dzimšonys dīnu, īraksteits ari jauns studejis albums “Sieju sovu”, jī tikū ir atsagrīzuši nu koncertim Berlīnē, sovkuort janvarī uzastuos Latgolys viestnīceibā GORS.

“Rikši” stuosta, ka muzyka ir jūs dzeivisveids i naīrosta ir dīna, kurymā nanūteik kaids mieginuojums voi koncerts. Zīmyssvātkūs vys dorbojās naraksteits lykums – vysi ir sātā kūpā ar saimem. “Kolnasātys” dieļ “Rikši” izdarejuši izjāmumu.

Raidejumu klausīs ite.

Komentari slāgti.