22. janvarī 14.00 nūtiks svineigs projekta “Rēzeknes zaļās sinagogas restaurācija, iekļaujot koka arhitektūras mantojuma centra un ekspozīcijas par ebreju kultūras mantojuma izveidi” nūslāguma pasuokums, kuruo ītvorūs tiks atkluota atjaunuotuo Rēzeknis Zaļuo sinagoga, kas ir vīns nu viesturiski nūzeimeiguokajim piļsātys kulturys pīmineklim.

Atkluošonys pasuokuma laikā byus vareiba nūbaudeit ebreju tradicionaluos kuknis gordumus i sasasiļdeit ar korstu čaju. Kab radeitu eipašu pasuokuma nūskaņu, publiku prīcynuos dažaidi muzykali prīšknasumi.

Apmaklātuojim Zaļuo sinagoga byus daeimama ari 23. janvarī nu 11.00 da 15.00. I atkluošonys pasuokumā, i sastdiņ – attaiseitūs durovu dīnā – interesenti tiks īpazeistynuoti ar Zaļuos sinagogys viesturi, projekta nūtikšonys gaitu i ekspoziceju.

Zaļuo sinagoga ir vīneiguo kūka sinagoga Latvejā, kas gondreiž bez byutysku puorveiduojumu sasaglobuojuse da myusu dīnu, partū, veicūt atjaunuošonys dorbus, lela viereiba tyka veļteita tam, kab saglobuotu kuorma viesturiskū nūzeimi i identitati.

Informacejis olūts: rezekne.lv

Publicitatis karteņa