Vareiba dasasaceit ziņgātuoju i stuostnīku vokoram Viļānūs

Vareiba dasasaceit ziņgātuoju i stuostnīku vokoram Viļānūs

13. februarī 15.00 Viļānu kulturys nomā nūtiks jau XIV Ziņgātuoju i stuostnīku vokors, kuruo tema itūgod ir “Katram prieki krājas…”. 

Ziņgātuoju i stuostnīku vokors jau palics par tradicionalu pasuokumu, iz kurū īsarūn ap 200 dalinīku. Tuo mierki ir popularizēt myusdīnu folkloru kai sabīdreibys kulturys sastuovdaļu, veicynuot tautys tradiceju saglobuošonu i puormontuošonys procesu, kai ari nūdrūsynuot izgleituošonys i pīredzis apmainis procesu storp ziņģātuojim i stuostnīkim. Ziņgātuoju i stuostnīku vokorā  pīsadola latvīšu i cyttautu ziņgu i stuostamuos folklorys izpiļdeituoji.

Pasuokumā ar ziņgem aicynuoti pīsadaleit individualī izpiļdeituoji, saimu ansambli, vokalī ansambli, folklorys kūpys, lauku kapelys, tautys muzykys ansambli, nacionalūs bīdreibu kolektivi i cyti interesenti. Sovukuort stuosteit aicynuoti vysi interesenti nu 16 godu vacuma.

Dalinīki aicynuoti izdzīduot temu “Katram prieki krājas…” ar vysmoz 50 godu vacom dzīsmem, nu stuostnīki var stuosteit jūceigys, nūpītnys, smīkleigys nūtikšonys, anekdotus itt. par temā pīmynātū. Nadreikst stuosteit autoru literarus dorbus voi dzīduot komponistu dzīsmis.

Dasasaceit var da 4. februara.

Vaira informacejis pasuokuma nūlykumā.

Dasacejuma anketa

Karteņa: nu LaKuGys arhiva (autore: Iveta Dukaļska)

Nūtikšonu kalendars

Dec
13
Cat
19:00 Gruomotys “Latgales pēdējie mohi... @ Reigā, Veru īlā 6
Gruomotys “Latgales pēdējie mohi... @ Reigā, Veru īlā 6
Dec 13 @ 19:00
Gruomotys "Latgales pēdējie mohikāņi" attaiseišona @  Reigā, Veru īlā 6 | Rīga | Latvija
Gruomota topuse vairuoku ekspediceju rezultatā, kuruos folkloriste i Zīdūņamuzeja pietneica Rūta Šmite kūpā ar antropologi i fotografi Elīnu Kursīti vuokušys cylvāku stuostus i īmyužynuojušys Latgolys mozcīmu īdzeivuotuojus fotografejuos. Gruomotu veidoj 52 stuosti, kurus papyldynoj vizuali boguoteigys[...]