Kruoslovā atkluos diasporys latvīšu muokslys izstuodi

Kruoslovā atkluos diasporys latvīšu muokslys izstuodi

22. martā 15.00 Kruoslovys Viesturis i muokslys muzejā tiks atkluota izstuode “Pasaules latviešu glezniecība”, kurā byus apsaverami trymdys latvīšu i uorzemēs dzeivojūšuos jaunuos latvīšu paaudzis muokslys dorbi, kas iz Latveju atceļuojuši nu vysaidu pasauļa vaļstu i kū nu sovys kolekcejis ceļojūšys izstuodis veidā atveds Cēsīs izveiduotais “Pasaules latviešu mākslas centrs” (PLMC), tai veicynojūt uorzemēs radeitys augstvierteigys muokslys īsakļaušonu Latvejis kulturtelpā.

Izstuodē apkūpuotī vaira nakai 20 muokslinīku dorbi kai zīduojumi atceļuojuši nu Amerikys, Australejis, Kanadys i cytom pasauļa vaļstim, iz kuruom Ūtruo pasauļa kara rezultatā davušīs latvīšu muokslinīki. Apmaklātuoji varēs tyvuok īsapazeit ar Augusta Annusa, Fridriha Milta, Niklāva Strunkis, Juoņa Gaiļa dorbim, kas radeiti uorpus Latvejis. Izstuodē puorstuovāta vērtine muokslinīku, kas sovu rodūšū brīdumu sasnīguši sovuos jaunajuos dzeivis vītys zemēs, – Laimonis Mieriņš (Angleja), Juoņs Kalmīte, Girts Puriņš, Gerda Roze, Ojārs Šteiners, Voldemars Avens, Oskars Skušķis, Juoņs Strods (ASV), Juoņs Annus (Vuoceja) i cyti, kai ari myusu dīnu latvīšu diasporys muokslinīki – Valda Oestreichere (Kanada), Juoņs Rūdolfs Nedēļa, Māris Raudziņš (Australeja), Kārlis Rekevics, Gints Grīnbergs, Lelde Vinters Ore (ASV) i cyti.

Izstuode, kas pyrma diveju godu tyka atkluota Ciesīs, niu, ar mierki diasporys latvīšu muokslu īkļaut Latvejis kulturys dzeivis apritē, apceļoj vairuokys Latvejis piļsātys.

Kruoslovā izstuode byus apsaverama da 18. maja.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]