Viesturis šaļteņu pīturā itūmienes par Rēzeknis teatri

Viesturis šaļteņu pīturā itūmienes par Rēzeknis teatri

latgolys teatris10. majā 14.00 Latgolys Kulturviesturis muzejā (Atbreivuošonys alejā 102, Rēzeknē) nūtiks tradicionaluo Viesturis šaļteņu pītura, kas itūreiz veļteita temai “No Rēzeknes teātra vēstures”, informej muzeja Kulturviesturis nūdalis vadeituoja Anna Līpenīte. Pasuokuma apmaklātuoji varēs satikt “tuos zemis” uztycamūs pavaļstnīkus i pajimt kaidu gaismys spaiteņu ari sev.

“Arī skatuve ir zeme” – taids nūsaukums ir Ontona Kūkuoja i Zigfrīda Miglinīka radeitajai Rēzeknis Tautys teatra himnai. Itei zeme daudzus spiej nūbūrt iz myužu. Sevkurs, kurs koč reizi bejs tuos tyvumā, gryb tī atsagrīzt otkon i otkon. Tī asam mes – skateituoji. Sevkurs, kas tamā pabejs, vysu dzeivi globoj sevī kaidu gaismu. Tī ir akteri i režisori. I jim ir daudz, kū stuosteit par “tū zemi”, kuruos īpazeišona aizasuoce tuolajā 1903. godā Pīterpilī. Tī tūreiz aktivi dorbuojuos Latgalīšu muzykaluos bīdreibys teatra trupa. Rēzeknē pyrmais dramys puļceņš nūsadybynuoja 1908. godā. Teatra spieliešonys aktivitatis pīauga i izplauka 20. gs. 20.–30. godūs. Pieckara godūs teatra darbeiba cīši saisteita ar režisora Ontona Varslavāna vuordu. 1958. godā juo vadeitais kolektivs pīsadaleja Latgolys kulturys nedeļā Reigā. Piec veiksmeiguos i profesionaluos uzastuošonys tam tyka pīškierts Tautys teatra nūsaukums.

Īīšona pasuokumā: školānim i studentim – 0.80 €, pīaugušajim – 1.50 €

Karteņā: Latgolys Teatra dalinīki piec izruodis “Muosa Beatrise”, 1921. gods. Karteņa nu Latgolys Kulturviesturis muzeja kruojuma

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]