Sovvaļnīks pīduovoj interpretaceju par Raiņa dzejūli “Zvaigžņu meita”

LaKuGa 17. Majs, 2016. gods Comments Off on Sovvaļnīks pīduovoj interpretaceju par Raiņa dzejūli “Zvaigžņu meita”

Pavasars vysod ir koč kuo suokys, ari Sovvaļnīkam, Raiņam i dzejūļa “Zvaigžņu meita” veirīša tālam. Vīnam tei ir jauna, ilgi kužynuota dzīsme, ūtram – naīrosta dzejis aktualizaceja muzykā, trešam – naramdynomys mīlesteibys olkys.

Jaunuokajā latgalīšu grupys “Sovvaļnīks” dzīsmē kūpā ar Marko Rasu i etnomuziki Birutu Ūzuleņu ir nabaileigai izspālāta vysatpazeistamuokuo latvīšu dzejnīka Raiņa dzejūļa “Zvaigžņu meita” interpretaceja. Klauseituojam folkloriskā vīglumā i metala gryutumā, monologā i dialogā, klusūs i skaļūs vuordūs teik pīduovuota jauna verseja par myužsenejū temu – cylvāku attīceibom i gribiešonu tymuos sasnīgt vālamū, izmontojūt vysus leidzekļus i pajiemīņus.

Dzīsme ir īraksteita sadarbeibā ar Latvejā zynomim skaņu režisorim Gintu Lundbergu i Gintu Stankeviču. Īrokstā pīsadola ari Sovvaļnīka grupys bīdri – Māris Lovniks (gitara), Artūrs Meļnikovs (bass) i Vadims Meļuščenkovs (bungys).

Komentari slāgti.