Izsludynuots fotokonkurss “Latgalietis XXI gadsimtā”

LaKuGa 24. Majs, 2016. gods Comments Off on Izsludynuots fotokonkurss “Latgalietis XXI gadsimtā”
Izsludynuots fotokonkurss “Latgalietis XXI gadsimtā”

Latgolys planavuošonys regions i Latgolys fotografu bīdreiba organizej fotokonkursu “Latgalietis XXI gadsimtā”, informej bīdreibys puorstuovs Igors Pličs.

Konkursa mierkis ir izveiduot Latgolys nūvoda cylvāku karteņu kolekceju, kurei atkluotu regiona sovpateibu, tai boguotynojūt nūvoda viesturis arhivu ar aizejūšuo laika līcinīku attālim tūs dabiskajā vidē. Nu konkursā sajimtajim materialim paradzāts izveiduot izstuodi, kai ari lobuokūs dorbus vierzeit īkļaušonai kūpejā Latgolys fotoalbumā, kas byutu veļtejums Latvejis symtgadei.

Karteņuos juobyut radzamim cylvākim, kas ir saisteiti ar Latgolys nūvodim. Tī var byut atspīgeļuotys sadzeivis paražys, tykumi i tradicejis, kultura, ražuošona, Latgolys nūvoda cylvāku raksturu īpašeibys, ticeiba, nūvoda doba i tuos problemys saisteibā ar Latgolys cylvāka vizualū tālu. Uzjimšonys periods – 21. godu symts.

Nu kotra autora tiks pījimts na vaira par 10 dorbim, kas juoīsnādz da 2016. goda 1. decembra. Karteņom obligati juodalīk informaceja par autoru, kai ari uzjimšonys vītu i tamā radzamū cylvāku.

Vaira informacejis konkursa nūlykumā

Komentari slāgti.