Aicynoj dasasaceit “Vosoruošonai”

LaKuGa 30. Majs, 2016. gods Comments Off on Aicynoj dasasaceit “Vosoruošonai”
OLYMPUS DIGITAL CAMERA

Školuotuoj, aicynojam Tevi atsapyust piec garuo dorba cielīņa, rast jaunys idejis, apmeklejūt školuotuoju i studentu vosorys kursus “Vosoruošona-2016”, kas nūtiks Rogovkā nu 31. juļa da 5. augusta.

Aicynojam pīsadaleit školuotuojus i studentus, kas gryb styprynuot latgaliskū pošapziņu, daleitīs pīredzē, satikt dūmubīdrus i vyspuor jaukus cylvākus, prūtams, labi atsapyust i smeļtīs spāku jaunam dorba cielīņam. Itūgod kursu golvonuo tema – nūvodvuiceiba školā. Ir izstruoduots vuiceibu prīkšmata Nūvodvuiceiba standarts.

Vuicēsimēs, kai programuos īkļaut sova nūvoda kulturmontuojumu, īpazeisim vuiceibu materialus, tiksimies ar pazeistamim cylvakim – kulturys darbinīkim.

Nūdarbeibuos; īpazeisim metodis, kai struoduot; kūpā dorbuosimēs pi vuiceibu leidzekļu veiduošonys; tiks organizeita ekskurseja pa Rēzeknis nūvodu.

Byus daudzveideiga atpyuta. Uzzynuosim, kai veseleigi dzeivuot, kai dūmuot lobu.

Gaidom Tevi, školuotuoj, ka sovim audzieknim jau vuici saskateit sova nūvoda boguoteibys, gaidom Tevi, ka grybi tū dareit. Kursu beiguos tiks īdūta aplīceiba.

Pīsoki sovu leidzdaleibu, aizpyldūt i syutūt dasaceišonys anketu iz e – postu: lvlksa@inbox.lv

Pīteikumus gaidom leidz 15. juļam. Daleibys moksa EUR 16.00.

Moksuot ar puorskaitejumu.
Rekviziti:
LVLKS asociācijas nodibinājums
Rģ. Nr. 50008056771
Swedbanka, konts Nr.LV53HABA0551025080062

Dalinīkim piec pīteikuma sajimšonys atsyuteisim seikuoku informaceju par vysu, kas sagaida Vosoruošonys dīnuos i naktīs.

Aicynojam studentus pīsateikt dorba grupā..

Vaira dazynuošonys: Veronika Dundure (t.26481524)

Komentari slāgti.