“Kaneva Cold” pīduovoj dzīsmi “Sirdis”
Jaunuo grupa “Kaneva Cold” pīduovoj klauseituojim sovu ūtrū dzīsmi “Sirdis”.
Kai viestej grupys dalinīki, dzīsme ir saraksteita jau paseņ, pyrma godu treju. Suokumā tei beja latvīšu literarajā volūdā, nu piec laika puorlykta iz latgalīšu volūdu. Pošim dzīsmē vysod ir pīsaistejs ritmys, partū ari koncertūs itei ir dzīsme, kura juonūspielej.
Dzīsmis īrokstā pīsadaleja: Guntars Poplavskis (bolss, tausteni), Jurgis Lipskis (sytamī instrumenti, mandolina, bolss), Edijs Rancāns (gitara, bass, bolss). Īrokstu veice Einārs Lipskis.
