Izsludynuota Latgolys NVO programa 2016

LaKuGa 8. Juņs, 2016. gods Comments Off on Izsludynuota Latgolys NVO programa 2016
Izsludynuota Latgolys NVO programa 2016

Dīnvydlatgolys NVO atbolsta centrys izsludynuojs Latgolys NVO projektu programu 2016, kuruos mierkis ir veicynuot pylsūniskuos sabīdreibys iniciativys, dzeivuotuoju leidzdaleibu i storpkulturu dialogu, tymā skaitā mozuokumtauteibu dorbu Latgolys planavuošonys regionā, informej latgale.lv.

Kūpā konkursam daeimami 24 000 eiro, kas sadaleiti trejom atbolsta jūmom:

Pylsūniskuos sabīdreibys iniciativu atbolsta projektim (8 000 eiro),
kas veicynoj pylsūniskuos sabīdreibys iniciativu atteisteibu i dzeivuotuoju leidzdaleibu, dūmūt atbolstu regiona navalstiskajom organizacejom i veicynojūt tūs sovstarpeigū sadarbeibu, sekmejūt Latvejis vaļsts symtgadis svineibu viersmierka “Styprynuot Latvejis sabīdreibys vaļstsgrybu i pīdareibys sajiutu sovai vaļstei, rūsynojūt pošorganizejūšus procesus i sadarbeibu” eistynuošonu, atbolstūt aktivitatis:

  • vītejūs cylvāku īsasaisteišonu sovys kūpīnys dzeivis apstuokļu i kvalitatis uzlobuošonā, veicynojūt cylvāka, kūpīnys i vaļsts izaugsmi i ilgtspieju, īsaistūt pošvaļdeibys, bibliotekys, kulturys centrus, muzejus, izgleiteibys īstuodis;
  • vaļstiskuma veiduošonuos, atteisteibys i saglobuošonys viesturis izpieti i tuos rezultatu myusdīneigu komunikaceju sovā apleicīnē;
  • Latvejis cylvāku talantu, izcileibys, uzjiemeiguma i sasnāgumu apzynuošonu i īsadvasmuošonu nu tūs;
  • paaudžu saikņu styprynuošonu, bārnim i jaunīšim izajamūt leidzvierteigu iniciativu i atbiļdeibu;

Storpkulturu dialoga atbolsta projektim (8 000 eiro),

  • kas styprynoj sovstarpeiguos izpratnis veiduošonu, stereotipu mozynuošonu, vysaidu tauteibu puorstuovu īsaisteišona aktivitatēs, kas vārstys iz salīdieteibu i īkļaujūšu pylsūniskū leidzdaleibu;

Mozuokumtauteibu NVO atbolsta projektim (8000 eiro)

  • veicynuot mozuokumtauteibu ideņtitatis i kulturys montuojuma saglobuošonu i atteisteibu, atbolstūt vysaidu mozuokumtauteibu rodūšūs kolektivu darbeibu, mozuokumtauteibu tradiceju i folklorys atteisteibu;
  • sekmēt mozuokumtauteibu pylsūniskū leidzdaleibu i sadarbeibu;
  • veicynuot Latvejis romu kūpīnys integraceju i leidzdaleibu, tymā skaitā sekmēt sadarbeibu storp romu kūpīnu i pošvaļdeibu/-om i/voi socialajim partnerim, jemūt vārā Latvejis romu integracejis politikys pasuokumu kūpumu, kai ari atbaļsteit romu kūpīnys kulturys ideņtitatis saglobuošonu i storpkulturu dialogu.
  • Mozuokumtauteibu navalstiskuos organizacejis ituo nūlykuma izpratnē ir: Organizaceju voda i tamā dorbojās Latvejā dzeivojūšuos nacionaluos minoritatis. Organizacejis darbeiba da šam vārsta iz Latvejā dzeivojūšūs nacionalūs minoritašu puorstuovu pylsūniskū leidzdaleibu i sovys kulturys i ideņtitatis saglobuošonu voi cytom aktivitatem, kas salīdej i apvīnoj nacionaluos minoritatis Latvejā. Atbolstamuos aktivitatis ir taidys, kurymuos aktivi teik īsaisteiti i mozuokumtauteibys, i ari pamatnācejis puorstuovi.

Vīnam projektam maksimali daeimami 3000 eiro, termiņš projektu iesnīgšonai ir 2016. goda 6. juļa 16.00.

No 13. da 22. juņa vysā Latgolā par programu tiks reikuoti seminari i informativuos dīnys.
Projekts nūteik LR Kulturys ministrejis i bīdreibys “Dienvidlatgales NVO atbalsta centrs” sovstarpeigi nūslāgtuo leiguma par atsevišku vaļsts puorvaļdis aizdavumu veikšonu pylsūniskuos sabīdreibys atteisteibys i storpkulturu dialoga jūmā (2.5.-8-18) ītvorūs.

Komentari slāgti.