Pyrmū video dzīsmei “Mozuo gūvs” pīduovoj grupa “Trešīs Ņutona lykums”.

Grupa suokuse sovu ceļu 2013. goda 18. septembrī Rēzeknē. Tamā dorbojās 5 mārgys nu Rēzeknis nūvoda. Ir gona lela pīredze vysaidūs jaunūs grupu festivalūs i konkursūs. Nūsaukums “Trešīs Ņutona lykums” nav najauši pajimts – tys ir “darbeibys i pretdarbeibys lykums”, kas cīš truopeigi atainoj taišni grupys sīviškeigū byuteibu. Grupa niu taisa i roksta pošu sacarātuos dzīsmis i sūlej pa druskai juos ruodeit publikai.

Par dzīsmi “Mozuo Gūvs” grupa soka, ka, prūtams, tys nav nikaids literarais šedevrs taišni teksta zinī, nu jom pateik pasasmīt pošom par sevi i tū, kū radz apleik, deļtam itei dzīsme teik ruodeita kai pyrmuo nu sova pyura. Video nūfilmāts 2 dīnu laikā, ceiņā ar maineigim laikapstuoklim. Nu golvonais bejs nūfiļmēt pīnenis i gūvs!

Tyvuokuo grupys uzastuošona paradzāta festivalā “Muzykys Skrytuļs”, kas nu 1. da 3. juļa nūtiks Leiksnā.

Karteņa: nu grupys arhiva