Kantri-folk grupa “Sābri” pīduovoj video “Cirvja kāta zupa”

Kantri-folk grupa “Sābri” pīduovoj video “Cirvja kāta zupa”
Kantri-folk grupa “Sābri” nu Kuorsovys nūvoda Saļņovys pīduovoj nūsaklauseit dzīsmi “Cirvja kāta zupa”, kurai radeits ari videoklips.

Dzīsmis autors, grupys liders i kantri stila gitarys virtuozs Māris Geidāns stuosta, ka dzīsme sacerāta pyrma vairuoku godu, vaļstī īsastuojūt ekonomiskajai krīzei. Īdvasmu vuordim Māris smieļs nu latvīšu tautys puosokys par “cierva kuota zupu”, kurei viestej, ka, zynūt puors viļteibu, var apmuoneit skūpu saimineicu i pagatavēt lobu iedīni – golvonais – īsuokt! Situacejā, kod Māra školuotuoja olga tykuse samozynuota iz pusi, ituos puosokys vuiceiba beja aktivi juopīlītoj. Simboliski atsaverūt iz pīdzeivuotū, nu ir radeits ari dzīsmis īroksts i video. “Veidojūt dzīsmis aranžiejumu gribējam dūt tai autentisku i maksimali “dzeivu” kantri skaniejumu, partū ka taišni itei muzyka jauneibā uzrunuojuse vysvaira,” tai par dzīsmis stila izvieli soka nu jau pusmyužā asūšī grupys dalinīki.

Grupā muzicej: Māris Geidāns (gitara, bolss), Aivars Zeiļuks (bungys), Elvīra Bleive (akordeons, bolss), Ontons Golubevs (bass), Aija Jurāne (bolss).

Dzīsme īraksteita skaņu īrokstu studejā “Bozova”, miksēja Ugis Vilcāns. Video veiduoja Ivars Utināns (IVO productions). Klipā pīsadola grupys “Sābri” muzykanti i Mežavydu linejdoncuotuoju grupa “Čili-Čača”.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]