Ludzā izskanēs rokmuzykys festivals “Little Rock”

Ludzā izskanēs rokmuzykys festivals “Little Rock”

16. julī 19.00 Ludzys nūvoda dūmis laukumā nūtiks rokmuzykys festivals “Little Rock”, viestej Ludzys nūvoda sātys lopa.

Rokmuzykys festivals Ludzā nūteik jau catūrtū reizi, nu itūgod pyrmūreiz uorā, breivā dobā. Laukumā pi pošvaļdeibys kuorma tiks pastateita leluo uora skotuve. Sādvītys  koncerta apmaklātuojim nav paradzātys, klauseituoji varēs aktivai atbaļsteit muzikus. Planavuots, ka koncerts byus treis stuņdis gars. Programu vadeis Arņs Krancāns, Ludzys Tautys noma specialists.

Koncertam dasasacejušys 5 grupys: “Weird Wednesdays” i “Trešais Ņutona lykums” nu Rēzeknis, “Gandreiž 10nīkā” nu Kaunatys, kai ari divejis ludzuonīšu grupys: “HMRP” i “Bastilija”. Koncertā skanēs roks, alternativais roks, poproks, pops i cyti muzykys stili.

Koncerts “Little Rock” ir vīns nu planavuotajim Ludzys nūvoda Jaunīšu goda pasuokumim.

little_rock

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]