Latgolys apceļuotuojs, latgalīšu dzejnīks Valentins Lukaševičs vad iz Aglyunu, iz sātu “Čakstes”, kurei atroduse vītu pļovu īlūkā. Tī reita kopeju var dzert, verūtīs iz bazilikys tūrņu, sajust kūšu vosorys zīdu aromatu buketu i baudeit saimineicys Intys Rečys vīsmīleibu. Inta ir školuotuoja, kurei vuica cytus i namiteigai vuicuos poša – oda, tamburej, filcej, nūsadorboj ar floristiku, izrūtoj telpys, voda meistarklasis. Raidejums byus kluotyn, kod Inta draugim i aglyunīšim vuiceis sātys apstuokļūs vuoreit zīpis. Itū raidejumu verūtīs, sevkurai rūkdorbneicai var rastīs īdvasma vuiceitīs kū jaunu voi puorjimt kaidu Intys ideju.