Zynomi Latgolys NVO projektu programys 2016 rezultati

Zynomi Latgolys NVO projektu programys 2016 rezultati

Bīdreiba “Dienvidlatgales NVO atbalsta centrs” (DNVOAC) informej, ka ir nūsaslāguse Latgolys NVO projektu programys 2016 nūviertiešona.

Projektu programys ekspertu komiteja izsoka pateiceibu Latgolys bīdreibom, kas programai kūpā īsnīdze 56 projektus, sovom aktivitatem prosūt vaira par 98,4 tyukstūšom eiro. Saleidzynojūt ar īprīkšejū godu, itī ruodeituoji pīauguši gondreiž par 20%.

Vysleluokais projektu atlasis konkurss nūtyka pylsūniskuos sabīdreibys iniciativu projektu apakšprogramā, kurymā Latgolys regionā pylsūniskuos sabīdreibys iniciativu i dzeivuotuoju leidzdaleibys styprynuošonai īsnīgti 23 projekti, tim pīprosūt 37 986,75 EUR. Itamā apakšprogramā piec ekspertu komisejis lāmuma tyka atbaļsteiti 7 projekti:

1. Bīdreiba “ESTO”Stiprais mantojums Rēzeknis nūv. 1174,58 EUR
2. Bīdreiba “Jaunieši laiks”Ar skatienu Latvijai Rēzeknis nūv. 1200,00 EUR
3. Bīdreiba “Rēzeknes pilsētas Teātris-studija “Joriks””BĒRNI DZIMTENEI Rēzekne 1000 EUR
4. Aglyunys nūvoda bīdreiba “Neaizmirstule”Aglonas pērles Latvijas simtgadei Aglyunys nūv. 749 EUR
5. Bīdreiba “Nīdermuižas draudze” Arī zem sniega zied rozes Preiļu nūv. 1199,10 EUR
6. Bīdreiba “SKOLA AR NĀKOTNI”Biedrību darbības ietekme un ieguldījums pilsoniskās līdzdalības veicināšanā Kruoslovys nūv. 877,32 EUR
7. Bīdreiba “Galēnu Kultūrvēstures biedrība”Gribu, varu, daru! Rībeņu nūv. 1800 EUR

Saleidzynojūt ar īprīkšejū uzsaukumu, vysleluokais projektu skaita pīaugums (vaira par 50%) radzams storpkulturu dialoga apakšprogramā, kur Latgolys navaļstiskuos organizacejis īsnīgušys 18 projektus, projektu aktivitatem pīprosūt 33 656,13 EUR. Viertiešonys ekspertu vysaugstuokū viertejumu i ari finaņsiejumu Storpkulturu dialoga apakšprogramā sajēme četri projekti:

1. Bīdreiba “Ģimeņu atbalsta centrs “Puķuzirnis””Mācīsimies, radoši izpaudīsimies un draudzēsimies! Preiļu nūv. 1199,50 EUR
2. Bīdreiba “European Association “World-Our Home””Starpkultūru saskarsme, daudzveidība un tolerance Latgalē Rēzekne 1200 EUR
3. Indrys vydsškolys atbolsta bīdreiba “SKOLA AR NĀKOTNI”Pūralādes dārgumi Kruoslovys nūv. 2600,50 EUR
4. Kuorsovys nūvoda krīvu kulturys bīdreiba “Utroja”Kultūras vēstnieku rudens nometne Latgalē Kuorsovys nūv. 3000 EUR

Gondreiž namaineigs īsnīgtūs projektu skaits palics mozuokumtauteibu iniciativu projektu apakšprogramā, kurymā īsnīgti 15 projekti, tymā skaitā vīns romu kūpīnu atbolstam, kam itymā uzsaukumā beja atvālāts atsevišks finaņsiejums. Ituos apakšprogramys projektu ideju realizacejai tyka pīpraseiti 26 800,50 EUR.

Sovys projektu idejis varēs eistynuot sešys Latgolys regiona bīdreibys:

1. Bīdreiba “Latvijas Poļu savienība”Poļu kultūras dienas Rēzeknē Rēzekne 1120 EUR
2. Bīdreiba “Žīguru vecmāmiņu klubs “OMĪTES””Vakarēšana sveču gaismā Viļakys nūv. 1200 EUR
3. Latvejis Pūļu savīneibys Daugovpiļs nūdaļa “Promieņ”Jauniešu folkloras deju ansambļa “Kukulečka” darbības nodrošināšana Daugovpiļs 910 EUR
4. Bīdreiba “ARYAN” “Aryan” piedāvā sadarbību Rēzeknis nūv. 852 EUR
5. Dagdys boltkrīvu bīdreiba “Verbica”Rušniks – Latgales baltkrievu draudzības un vienotības simbols Dagdys nūv. 2418 EUR
6. Bīdreiba “NĒVO DROM D”Romi Daugavpilī ir par integrāciju un līdzdalību! Daugovpiļs 1500 EUR

Projekti tyka īsyuteiti nu 13 i tiks realizāti 10 Latgolys planavuošonys regiona pošvaļdeibu teritorejuos.

Vysaktivuokuos projektu raksteituojis beja Daugovpiļs piļsātys navaļstiskuos organizacejis, kas īsnīdze 24 projektus (pīprosūt vaira par 40 tyukstūšom eiro). Tuom sekuoja Rēzeknis nūvods ar 7 projektim, Preiļu i Kruoslovys nūvodi īsnīdze pa 5 projektim, Rēzeknis piļsāta – 4, Rībeņu, Ludzys i Viļānu nūvodi – 2, pa vīnam projektam tyka īsyuteits nu Viļakys, Dagdys, Aglyunys, Kuorsovys i Daugovpiļs nūvodu bīdreibom.

Vysys atbaļsteitūs 17 projektu aktivitatis tiks eistynuotys da ituo gods 9. decembra.

Kai informej DNVOAC koordinators Oskars Zugickis, nuokušais – 2017. goda Latgolys NVO programys projektu konkurss – tiks izsludynuots jau nuokušuo goda suokuos.

Konkurss tyka izsludynuots saskaņā ar LR Kulturys ministrejis i “Dienvidlatgales NVO atbalsta centra” sovstarpeigi nūslāgtuo leiguma (Nr. 2.5.-8-18) par atsevišku vaļsts puorvaļdis aizdavumu veikšonu pylsūniskuos sabīdreibys atteisteibys i storpkulturu dialoga jūmā ītvorūs.

Karteņa: pixabay.com

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]