Amatīrteatru svātkūs breivdobys muzejā pīsadaleis 5 Latgolys kolektivi

LaKuGa 28. Juļs, 2016. gods Comments Off on Amatīrteatru svātkūs breivdobys muzejā pīsadaleis 5 Latgolys kolektivi

salnavas-amatierteatris6. i 7. augustā Myusdīnu omotnīceibys festivala ītvorūs Latvejis Etnografiskajā breivdobys muzejā nūtiks II Latvejis mozpiļsātu i pogostu amatīrteatru svātki, kurūs pīsadaleis ari 5 kolektivi nu Latgolys.

6. augustā 12.00 Latgolys cīma Dervenīku sātā varēs redzēt Baļtinovys nūvoda teatra kūpys “Palādas” izruodi “Lauku kūrorts pilsātnīkim”, nu 16.00 Latgolys zemnīka sātā – Viļakys nūvoda Žeiguru kulturys noma amatīrteatra “Virši” izruodi “Sīvasmuotes bizness”. 7. augustā 10.00 iz Rītumu skotuvis tiks ruodeita Daugovpiļs nūvoda Vabalis pogosta amatīrteatra “Nagaidama prīca” izruode “Lobuokajūs godūs…”, 14.30 Latgolys cīmā – Kuorsovys nūvoda Saļņovys amatīrteatra izruode “Puormaiņu pīturā”, nu 15.00 Latgolys cīma Dervenīku sātā – Viļānu kulturys noma amatīrteatra “Kas ir, tas ir” īstudātuo “Kur valnam līta gryuta, tur jis buobu syuta”, “Čyguoni”.

6. augustā 12.00 Latgolys cīma Dervenīku sātā

Myusdīnu omotnīceibys festivalā pīsadola Latvejis omotnīki, kas struodoj ar vysvysaidom metodem i materialim, sovūs darynuojumūs apvīnojūt omota prasmis, tehnologeju atteisteibys i myusdīnu dizaina elementus. Festivalā puorstuovātajim izstruoduojumim reizē juobyut i spīgeļam myusdīnu sabīdreibys pīprasejumam piec unikalu produktu, i juoaplīcynoj alternativys vīnveideigom masveida ražuošonys izpausmem. Festivalā pīsadaleis ari gosti nu Baļtejis jiurys regiona.

Karteņā: Saļņovys amatīrteatris, karsava.lv

Komentari slāgti.