Grupa “Guntra un draugi” klauseituoju viertiejumam nūdūd singlu “Saule iz placa”. Dzīsmis muzykys autore ir G. Kuzmina,  teksta autors O. Slišāns.

“Saule iz placa” skaniejums atguodynoj mīreigu augusta nūvakari, kod gaisā monoms rudiņa tyvums, tok sirds vēļ kavejās vosorys bezryupeibā.  “Guntra un draugi” sovā dzīsmē aicynoj klauseituojus pasakavēt mozajuos laimis šaļteņuos, kū dūd taidi seikumi kai līgi saulis spaiti iz uodys, vieja pyusma motūs, i baudeit aizeimūšū vosoru vysā tuos kruošņumā.

Dzīduotuoja Guntra Kuzmina kūpā ar sovu pavodūšū sastuovu gatavejās akustiskajim koncertim, kas gaidomi rudinī i zīmā. Tī dūs pateikami syltu i vīglu nūskaņuojumu, ļaunūt vīgļuok sagaideit vāsuoka godalaika īsastuošonu. Koncertūs dzierdēsim originalkompozicejis latgalīšu volūdā.