Sena omota pratieja, pietneica i školuotuoja – Iveta Gabrāne

Sena omota pratieja, pietneica i školuotuoja – Iveta Gabrāne

IMG_8789

Baļtinavīte Iveta Gabrāne ir vīna nu tim 9 Latgolys pedagogim, kas paguojušajā godā izapeļneja žurejis atzineibu i īgiva specbolvu nominacejā “Par myusdīneigu un rodūšu pīeju školānu dorba tykuma audzynuošonai un omotu apvuiceibai”. Kasdīnā Iveta struodoj interešu izgleiteibā Baļtinovys pusē, vuica bārnus senejom ausšonys, izšyušonys, kruosošonys prasmem, nūsadorboj ar senejūs tautys tārpu pietnīceibu i restauriešonu. Īpazeistynojūt skaitietuojus ar paguojušuo goda nominantim, leidziegi kai Imantam Slišānam uzdevem I. Gabrānei dažus vaicuojumus.

Kai ir izadevs ituo studeju goda laikā “kolpuot” nominacejis pamatidejai?

Vīnnūzeimeigi, daudzys lītys ir izdareitys stypri vaira, vyss nūteik inteņsivuok. Maņ ir gondarejums, ka interese par ausšonu i senejom prasmem ir tikai pīauguse. Tū izjiutu kasdīnā, struodojūt ar bārnim. Ituo goda laikā tei īvirze vaira ir dorbā ar autentiska krakla darynuošnu. Juosoka, ir izaveiduojuse rynda i daudzi ir gotovi zīduot laiku i leidzekļus, gatavojūt senejū sīvīšu voi veirīšu tautu tārpa kraklu sovam tautu tārpam.

Te juosoka, ka goda garumā turpynojās ari pietnīcyskuo sadarbeiba ar Latvejis Viesturis muzeju, konkreti, Ilzi Ziņgīti, kas paleidz apgiut senejuo veirīšu krakla darynuošonys tehniku. Ja maņ redzejuos, ka sīvīšu krakls jau ir vasala muoksla, tod veirīšu krakls ir vēļ sarežgeituoks i izšyvumu ziņā greznuoks. Pi tuo ir daudz vaira dorba juoīgulda. Žāl, ka myusu dīnu tautystārpūs vairumā gadejumu teik izmonuots vīnkuoršuots krakla variants.

Pīaudzs ari konsultaceju skaits, kū snīdzu par vysdažuoduokajim ausšonys, izšyušonys, materialu sadereibys i cytim vaicuojumim. Vīns nu leluokajim pasuokumim, kur pīsadaleju kūpā ar školānim, beja Zīmeļlatgolys tautystārpa darynuošonys darbneica festivālā “Eima, eima!”, kur stuostejom par senejū Abrenis tārpu, darynovom celu jūstys.

Kai Tev redzīs, voi taida bolva ir vajadzeiga i cik nūzeimeiga jei ir tovā dzeivē?

Patīseibā, es nikod nabeju gaidejuse, ka munu dorbu kaids tai nūviertēs, bolva pateišom sylda munu sirdi. Nu vīnys pusis, tei līk tai kai atsaskaiteit sev, voi muni dorbi ir bejuši veiksmeigi, kvalitativi, līk aktīvuok struoduot, dūmuot, pylnveiduot sevi i sovys prasmis. Nu ūtrys – kasdīnys steigā mes aizmierstom pasceit atzineigu vuordu, varbyut pat napamonom, nazinim, ka daudz kas īveireibys cīneigs, lapnumu raisūšs nūteik tepat myus blokus. Tod N. Rancāna pasuokums i bolva ir taida reize, lai mes vīns ūtru pamaneitu i gūdynuotu. Tys ir ari stimuls ceņstīs, varbyut radzomys, taustomys jāgys daškīrējs kasdīnys dorbam. Tai grybātūs saceit.

Dasaceit školuotuojus Nikodema Rancāna konkursam var da 5. septembra, nūslāguma pasuokums nūtiks 25. septembrī Ludzys Kulturys nomā. Konkursu organizej Latgalīšu Kulturys bīdreiba sadarbeibā ar Rēzeknis Tehnologeju akademeju, Kulturys ministreju, Rēzeknis, Ludzys, Preiļu i Aglyunys nūvoda pošvaļdeibom. Vaira informacejis i konkursa nūlykums: http://latgalisubidreiba.mozello.com/nutiksonys-1/bolva/

Teksta autore: Ilga Šuplinska, konkursa koordinatore

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]