Jaunus dalinīkus uzjims Rēzeknis nūvoda kors “Ezerzeme”

LaKuGa 5. Septembris, 2016. gods Comments Off on Jaunus dalinīkus uzjims Rēzeknis nūvoda kors “Ezerzeme”

Rēzeknis nūvoda jauktuo kora “Ezerzeme” dirigenti aicynoj dasavīnuot jaunus dalinīkus. Jaunūs dalinīku uzjimšona vysuos bolsu grupuos nūtiks Rēzeknis nūvoda pošvaļdeibys zalā (Atbreivuošonys alejā 95a, Rēzeknē) 6., 8., 13. i 15. septembrī.

Rēzeknis nūvoda jauktais kors “Ezerzeme” sovu skaneigū nūsaukumu izavieliejs jau 1981. godā i itūs godu laikā ir palics par Latvejā zynomu augstys klasis kolektivu. “Ezerzeme” ar lelim panuokumim startējuse koru konkursā Rimini, Italejā, sajamūt zalta i sudobra medalis, taipat juopīmiņ uzvara jauktūs koru kategorejā Pasauļa koru olimpiadē. Kors pādejūs godu laikā prīcynoj klauseituojus daudzūs vītejuo regiona koncertūs, koru skatēs, kai ari rūn laiku muzykalim izbraucīnim aiz Latvejis rūbežys – Makedoneja, Italeja, Pūleja, Fraņceja, Sloveneja, Austreja i cytys vaļsts.

Ari jaunuo sezona gaidoma ar daudzim kruošnim koncertim. Kors uzastuos i Latgolys viestnīceibys GORS skotuvis kūpā ar taidim Latvejā īmīļuotim muzikim kai Daini Skuteli, Muorteņu Braunu, Artūru Uškānu. “Ezerzeme” planavoj braukt ari kaidā muzykalā ceļuojumā.

Ilzukam2

Komentari slāgti.