Siguldā apsaverama Lilejis Zeiļys keramikys dorbu izstuode

LaKuGa 8. Septembris, 2016. gods Comments Off on Siguldā apsaverama Lilejis Zeiļys keramikys dorbu izstuode
Siguldā apsaverama Lilejis Zeiļys keramikys dorbu izstuode

Kulturys i muokslys telpā “Siguldas Tornis” da 25. septembra apsaverama Lilejis Zeiļys keramikys dorbu izstuode, viestej Siguldys nūvoda sātyslopa.

Lileja Zeiļa spielejās ar najaušeibom i voda tuos, rodūt sovus muokslys dorbus. Muokslineica ir kai starpinīks storp muolu i skateituoju. Juos dorbūs klasiskuos Latgolys formys sajam autorei rakstureigūs proporceju rysynuojumus. Angobu i glazuru ekspresivī gleznuojumi viestej sovus stuostus, kū pīredigējuse guņs. Lileja plyudynoj, lej, tok kotrys juos dorbs ir vīnuota tīkšonuos caur najaušeibu iz harmoniskom kompozicejom, kuruos muokslineica nūdūd skateituojam.

Keramike Lileja Zeiļa dzymuse 1958. godā Daugovpilī. Profesionalū izgleiteibu sajāmuse Rēzeknis Lītiškuos muokslys vydsškolys Keramikys nūdaļā. 1978. godā jei īsasaistejuse A. Paulāna Tautys lītiškuos muokslys studejis darbeibā. 1986. godā sajāmuse Tautys daiļomota meistara kvalifikaceju. 1992. godā suokuse patstuoveigys pūdnīka gaitys. Itūšaļt ir Daugovpiļs Nūvodpietnīceibys i muokslys muzeja Tautys lītiškuos muokslys studejis “Latgale” vadeituoja. Lileja Zeiļa regulari pīsadola izstuodēs i cytūs ar keramiku saisteitūs projektūs i Latvejā, i uorvaļstīs, kai ari nūzeimeigu laiku veļtej pedagogiskajam dorbam.

Kulturys i muokslys telpa “Siguldas Tornis” apmaklātuojim attaiseita pīktdīnēs, sastdīnēs, svātdīnēs nu 12.00 da 17.00. Apmekliejumus īspiejams dasaceit ari cytā laikā, īprīkš zvonūt 29218240.

Īīšona – par zīduojumim.

Komentari slāgti.