Vydsškolāni aicynuoti dasasaceit DU Humanitarajai akademejai

LaKuGa 8. Septembris, 2016. gods Comments Off on Vydsškolāni aicynuoti dasasaceit DU Humanitarajai akademejai

Vydsškolāni teik aicynuoti īsasaisteit Daugovpiļs Universitatis Humanitaruos fakultatis jaunīšu interešu izgleiteibys školys “Humanitārā akadēmija jauniešiem” (HAJ) aktivitatēs, kas suoksīs 8. oktobrī.

Jaunīšu interešu izgleiteibys škola “Humanitārā akadēmija jauniešiem” Daugovpiļs Universitatis Humanitarajā fakultatē dorbojās jau septeitū godu. Tei izveiduota 2010. godā, i jaunīšu izgleituošona tyka suokta nu 2011. goda februara. Humanitaruo akademeja jaunīšim ir interešu izgleiteibys instruments, kas nūdrūsynoj aizraujūšu lekceju i praktiskūs nūdarbeibu cyklu Latvejis vydsškolu 10.-12. klašu školānim, orūdškolu audzieknim i cytim jaunīšim, kurī padzilinuoti interesej par humanitaruom zynuotnem.
Par kotru HAJ apvuiceibu godu i vaira par 50 procentu apmaklātu nūdarbeibu jaunīši sajam sertifikatu. Tys dūd prīškrūceibu – 10 papyldu punktus īsastuojūt DU Humanitaruos fakultatis studeju programuos.

“Humanitārā akadēmija jauniešiem” teik raksturuota kai vareiba sevi pylnveiduot, pīsadolūt vysaiduos jaunīšim saistūšuos nūdarbeibuos, kai ari sasagataveišona “lelajai” dzeivei, īpazeistūt universitatis auditorejis, docātuojus, lekceju formys i cytys ar studenta kasdīnu saisteitys lītys.

Dasacejumi teik gaideiti da 7. oktobra. Tī juosyuta iz elektroniskuo posta adresi humanitara.akademija@inbox.lv. Dasacejumā juonūruoda: vuords, pavuorde, škola, klase i kontaktinformaceja.

pl2-1

Komentari slāgti.