Leivuonā nūtiks lobdareibys koncerts

LaKuGa 14. Septembris, 2016. gods Comments Off on Leivuonā nūtiks lobdareibys koncerts
Leivuonā nūtiks lobdareibys koncerts

2. oktobrī 12.30 Leivuona katuoļu bazneicā nūtiks lobdareibys koncerts “Es topu samīļots mazliet”, viestej Leivuona nūvoda sātyslopa.

Leivuona katuoļu draudzis lobdareibys projektam “Es topu samīļots mazliet”, kas nūteik jau ūtrū godu i kuruo byuteiba ir attaiseit sirds mīlesteibai, kab paleidzātu leidzcylvākim, itūreiz atsasaukuši: Renārs Kaupers i Juoņs Jubalts nu grupys “Prāta vētra”; muzykys i pedagogejis zynuotņu doktore, J.Vītuola Latvejis Muzykys akademejis (LMA) asociātuo profesore i storptautysku konkursu organizatore, pianiste Nuora Lūse; fagotists Andris Arnicāns, kas spieliejs vairuoku pasauļslovonu simfoniskūs orkestru sastuovā, bejs Latvejis Nacionaluo simfoniskuo orkestra fagotu grupys koncertmeistars, itūšaļt J.Vītuola Latvejis Muzykys akademejis profesors; Leivuona katuoļu draudzis prīsters Jurs Zarāns, kurs vadeis pasuokumu i Kruoslovys draudzis prīsters Rodions Doļa, kas dzīduos i spielēs kūkli; muzykaluos apvīneibys “Raxtu Raxti” dalinīki Kristīne Kārkle – Kalniņa i Edgars Kārklis nu leivuonīšu Kārklu dzymtys; Leivuona katuoļu draudzis kors “con Amore”, Leivuona pareizticeiguos Vladimirys Dīvmuotis ikonys draudzis kors i cyti.

Īīšona koncertā – breiva. Tuo laikā sevkuram byus vareiba zīduot četru Leivuona nūvoda cylvāku atbolstam, kurī itūšaļt ceinejās ar lelom veseleibys problemom.

Pyrma koncerta 11.30 varēs ari vīnuotīs kūpeiguos lyugšonuos Svātajā Mišā.

Karteņa: pixabay.com

Komentari slāgti.