Aicynoj pīsadaleit Bieržpiļs pogosta ekspedicejā

LaKuGa 20. Septembris, 2016. gods Comments Off on Aicynoj pīsadaleit Bieržpiļs pogosta ekspedicejā

27. septembrī, Storptautyskajā turisma dīnā, interesenti teik aicynuoti dūtīs izbraucīnī “Bieržpiļs pogosta ekspediceja”.

Pasuokums teik organizāts kai izzynūša ekskurseja, kurā dalinīki brauc ar sovom mašynom. Dīnys laikā tiks apmaklātys interesantys vītys, kas atkluos Bolvu nūvoda Bieržpiļs pogosta viesturi i tradicejis. Pasuokumu organizej Zīmeļlatgolys biznesa centrys sadarbeibā ar Bieržpiļs pogosta puorvaļdi. Vītejuo gida lūmā – bieržpilīte Anna Kriviša.

12.30 paradzāta ekspedicejis dalinīku sasatikšona stuovlaukumā pi Bieržpiļs Saītu noma. Tuoluok dalinīki brauks ar sovom mašynom vīnuotā kolonā iz programā paradzātuom pīturvītom: kuops Varenis kolnā, dzierdēs stuostejumu par kolna izaceļšonu; apmeklēs Berezīnis piļskolnu; gasteis Bieržu Sv. Annys katuoļu bazneicā; īsapazeis ar Bonifacovys muižu i tuos viesturi; apmeklēs Solys Zemnīku-zvejnīku sātu grupu i dzierdēs stuostu par senejuo cīma veiduošonūs; dūsīs iz Ičys apmetni, kas ir nūzeimeiga arheologiska vīta Bieržpiļs pogostā. Ekspedicejis nūslāgums i zyvu zupys baudeišona paradzāta 16.30 atpyutys vītā pi Ičys (zīduojums zupai 1,50 eiro).

Dasasaceišona (obligata) i papyldu informaceja:  27872031, 29272948, turisms@balvi.lv

berzpils-pag-ekspedicija_27092016

Komentari slāgti.