“Dabasu Durovys” pīduovoj albuma prīškviestnesi – dzīsmi “Suokums”

LaKuGa 20. Septembris, 2016. gods Comments Off on “Dabasu Durovys” pīduovoj albuma prīškviestnesi – dzīsmi “Suokums”

“Dabasu Durovys” pīduovoj nūsaklauseit i nūsavērt piec nedelis gaidomuo albuma prīškviestnesi – dzīsmi “Suokums”.

“Dabasu Durovys” sovim klauseituojim pīduovoj dzīsmi, kas jaunajā albumā “Pādys Runoj” byus īkļauta kai nūslādzūšuo – “Suokums”. Ar itū dzīsmi grupa naļaun īgrimt rudiņa apatejā, līk vērtīs iz prīšku, simboliski sokūt: “Laiks turpynuot sovu ceļu. Beidz vakardīnā dzeivuot!”. “Suokums”, leidzeigai kai cytys jaunuo albuma dzīsmis, kuruos jau piec nedelis tiks da klauseituoju, runoj par sajiutom, apjiemeibu i spāku sevī.

Ari vyssuopeiguokais, kas ruodīs, ka nesteidzeigai dzeļ, koč kod beidzās, nu tuo vītā vysod īt koč kas jauns. Itei ir vīna nu dūmu, kū Arņs Slobožanins īviņs dzīsmis vuordūs, reizē ar tim dzīžūt par sirdi, kū mūdynuos reits. Itys ir stuosts par vareibu durovom, kas atsataisa tod, kod cytys aizataisa, par puormaiņom. Tys reizē ir ari stuosts par turpynuojumu, par spāku sevī, kū sajust, attaisūt acs kotru dīnu.

Īrokstā pīsadaleja: Aleksandrs Tamans (bungys), Romāns Sladzis (gitara), Valdis Rundzāns (bass), Arņs Slobožanins (bolss, gitara), Egils Kulmanis (tausteni, bolss).

Dzīsmis īroksts radeits Daugovpilī, Custom Rd studejā. Miksēja: Armands Treilihs.

Video: IVO Productions

Komentari slāgti.