Daugovpilī apsaverama Vijis Stupānis personalizstuode

LaKuGa 5. Oktobris, 2016. gods Comments Off on Daugovpilī apsaverama Vijis Stupānis personalizstuode

73d9a550d6ec2677f28d4c71d1cee5e6Da 30. oktobra Latgolys Centraluos bibliotekys laseitovā i abonementā ir apsaverama muokslineicys Vijis Stupānis personalizstuode “Dabas atspulgi”. Iz sarunu par izstuodē radzamajim dorbim i jaunuokajim papyldynuojumim muokslineicys rodūšajā pyurā interesenti teik aicynuoti 11. oktobrī 15.00 bibliotekys laseitovā, viestej informaceja Daugovpiļs piļsātys dūmis Kulturys puorvaļdis sātyslopā.

Pārņ Vijis Stupānis dorbi beja apsaverami Latgolys Centralajā bibliotekā rodūšuo kvarteta “VIVA” izstuodē, kurā Vija pīsadaleja kūpā ar kolegem i studeju bīdrem Vēsmu Ušpeli, Ilzi Griezāni i Agru Ritiņu. Prīškstotu par Vijis Stupānis daiļradi varēja sajimt ari ituo gods vosorā Daugovpiļs Marka Rotko muokslys centrā Latgolys muokslinīku dorbu izstuodē. Itūreiz personalizstuodē “Dabas atspulgi” daugavpilīšim teik pīduovuots plotuoks īskots Vijis pādejūs godu rodūšajā veikumā.

Rēzeknis Muokslys koledžys i Latvejis Muokslys akademejis absolventi Viju Stupāni var raksturuot eisi i kūdūleigi: “muokslineica, kas mīļoj dobu i zīdus.” Izstuodē “Dabas atspulgi” apsaveramī dorbi ir kuortejais aplīcynuojums ituo raksturuojuma truopeigumam. Ekspozicejā īkļautī dorbi puorsvorā tyka gleznuoti vysaidūs plenerūs Latvejā. Tymūs izmirdz kasdīnā nūgiutuos šaļtenis, dobys niansātī tūni i daža loba nanūgiunama izjiuta. Vija soka, ka laiks, kura kasdīnā vysod datryukst gleznuošonai, plenerūs teik izmontuots cīši intensivi, giunūt rodūšys šaļts pļovuos, pi jiurys, azarim. “Juopaspiej tik daudz, i gleznuošona ir sovā ziņā radeišonys breinums i reizē saruna ar dobu,” aplīcynoj muokslineica.

Komentari slāgti.