Sajūti Latgali. Lauksaimisteiba

LaKuGa 11. Oktobris, 2016. gods Comments Off on Sajūti Latgali. Lauksaimisteiba

Raidejums “Sajūti LATGALI” itūreiz gastej Erikys Gabrusānis saimis saimisteibā Kruoslovys nūvoda Rūbežnīku pogostā, kas deveņdasmytūs godu beiguos nanūsabeida nu izaicynuojuma i kai vīni nu pyrmajim Latvejā īvede strausus. Nasaverūt iz tū, ka taids lauksaimisteibys ražuošonys veids Latgolai nav rakstureigs i ir vysai naīrosts, pādejūs godu laikā saimisteiba ir monomi pasaplašynuojuse. Bez strausim saimisteibā teik audzāti ari vysaidi eksotiski putyni i dzeivinīki.

Zemnīku saimisteibys “Guntiņi” saimnīkuošonā ir īsaisteita vysa saime. Vacuokais dāls Guntis Jeromenoks nūsadorboj ar galis trušu audziešonu, i saimisteibā itūšaļt ir vaira par 200 trušu. Kluotyn trušu audziešonai saiminīkim ir naparosts hobijs – pīsadaleišona zyrgu rykšuošonys saceņseibuos. Saimineica Marisela Jeromenoka izruoda stoltūs zyrgus i atkluoj, cik daudz dorba teik īlykts juos sirdslītā.

sajuti-latgali-zyrgi

Komentari slāgti.