Svātdiņ Rēzeknē nūtiks lobdareibys koncerts

LaKuGa 2. Novembris, 2016. gods Comments Off on Svātdiņ Rēzeknē nūtiks lobdareibys koncerts

luoceits6. novembrī 12 stuņdēs Rēzeknis kulturys nomā (Bruoļu Skryndu īlā 3) nūtiks lobdareibys koncerts “Atver savu sirdi”, kū kotru godu reikoj bīdreiba “Eņģeļi ar mums”, kab atbaļsteitu Rēzeknis piļsātys i nūvoda bārnus ar eipašom vajadzeibom, informej bīdreibys puorstuove Inese Muhamberga.

Lobdareibys koncertā pīsadaleis muzikis Andis Kīsis, Puncuļu saime, folklorys kūpa “Rūžupis veiri”, mārga grupa “Piparmētra”, Rēzeknis veiru kors “Graidi”, sporta deju klubs “Rēzekne”, Zanis Ludbuoržys muzykys školys akordeonistu orkestris, vokalais ansamblis “Smaids”,  deju studeja “Stoptime”, Marina Piterāne, Ludzys nūvoda vokalais ansamblis “Prieks”, Maltys muzykys školys talanti.

Bīdreibā “Eņģeļi ar mums” ir apsavīnuojušys saimis nu Rēzeknis i nūvoda, kas audzynoj bārnus i jaunīšus ar eipašom vajadzeibom. Bīdreibā cytu cytu atbolsta i kūpā vaicoj vareibys, kab pozitivi ītekmātu i maineitu sovu i bārnu dzeivis kvalitati.

Īīšona koncertā par zīduojumim, kab atbaļsteitu Rēzeknis piļsātys i nūvoda bārnus ar eipašom vajadzeibom, kurim ratuos slimeibys līdz jūs tuoluokū fiziskū, volūdys, kusteibu i cytu vasalam cylvākam tik pošsaprūtamu i vajadzeigu īmaņu atteisteibu.

Zīduot var ari iz kontu LV06HABA0551034335290, bīdreiba “Eņģeļi ar mums”, reg. Nr. 40008169258

Karteņa: Lobdareibys koncerts “Atver savu sirdi” Rēzeknis KN 2015, Annys Kuzminys foto.

Komentari slāgti.