Kolnasāta 5. novembrī

LaKuGa 5. Novembris, 2016. gods Comments Off on Kolnasāta 5. novembrī
Kolnasāta 5. novembrī

Latgali voi latgalīši? Kai saukt myusu dīnu cylvākus, kurī runoj latgaliski? Sarunuos, televizejā, radejā i drukavuotajūs medejūs obejus vuordus mādz lītuot kai sinonimus, tok, kai sovā komentarā skaidroj viesturneica Vineta Vilcāne, storp tim ir miļzeiga atškireiba – tī apzeimoj dažaidūs viesturis pūsmūs dzeivojūšys etniskuos grupys, kurūs kultura i volūda ir atškireiga.

“Juogryb zynuot, kas pasaulī nūteik. Ka vaira nav interesanti, tod vaira navari byut žurnalists,” tai “Kolnasātys” intervejā soka žurnala “SestDiena” golvonuo redaktore Lauma Spridzāne. Juos pavuorde dzierdāta tim, kurī latgalīšu volūdu Latvejis Radejā klausejušīs vēļ pyrma “Kolnasātys” raidejuma, tūreiz sovu raidejumu veiduoja Laumys tāvs – žurnalists Bronislavs Spridzāns.

Komentari slāgti.