Daugovpilī nūtiks lekceja par atteisteibys atškireibom storp Latgolu i puorejū Latveju

LaKuGa 14. Novembris, 2016. gods Comments Off on Daugovpilī nūtiks lekceja par atteisteibys atškireibom storp Latgolu i puorejū Latveju
Daugovpilī nūtiks lekceja par atteisteibys atškireibom storp Latgolu i puorejū Latveju

17. novembrī 10.50 – 12.20 Daugovpiļs Universitatē, 308. telpā (Vīneibys īlā 13, Daugovpilī), nūtiks Dr. Manfreda fon Betihera lekceja ““Konfesionalizācija” kā vēsturisks griezums: par attīstības atšķirībām starp Rietumlatviju un Latgali”, informej Baļtejis – Vuocejis augstškolu birojs.

Lekcejā tiks rysynuots vaicuojums par latgalīšu “eipašū atteisteibu”, saleidzynojūt ar Rītumlatvejis teritoreju. Voi patstuoveigū atteisteibu ir nūsacejuši viesturiskī faktori nu vydslaikim? Voi tūmār lela nūzeime beja nūtikšonom, kas suocēs agreimajūs jaunajūs laikūs? Lekcejā uzsvors tiks lykts iz pādejūs godu desmitēs viesturis pietnīceibā izstruoduotū “konfesionalizacejis” konceptu, kas tiks apsavārts atškireiguos zemis suverenitatis i aristokratejis kontekstā, suocūt ar 17. godu symtu, da poša 20. godu symta.

Dr. Manfreds fon Betihers ir studējs viesturi, krīvu i latīņu volūdu Getingenis Universitatē i piec doktoranturys pabeigšonys da 2013. goda struoduoja par vaļsts golvonuo arhiva vadeituoju Hannoverē. Jis sarakstejs vairuokys publikacejis par Lejissaksejis viesturi, kai ari bejs arhivars Baļtejis bruninīku apvīneibā. Itūšaļt Dr. fon Betihers jau 5. semestri ir Vuocejis Akademiskuos Apmainis dīnasta gostu lektors Reigā.

Lekceja nūtiks vuocu i latvīšu volūdā. Daleiba bez moksys. Pasuokumu organizej Baļtejis – Vuocejis augstškolu birojs.

Komentari slāgti.