Izstruoduota izgleitojūša datorspēle “Īsapazeisim/Iepazīsimies”

LaKuGa 17. Novembris, 2016. gods Comments Off on Izstruoduota izgleitojūša datorspēle “Īsapazeisim/Iepazīsimies”
Izstruoduota izgleitojūša datorspēle “Īsapazeisim/Iepazīsimies”

Rēzeknis Tehnologeju akademejā izstruoduota izgleitojūša datorspēle “Īsapazeisim/Iepazīsimies”, kas teik radeita, gatavejūtīs Latvejis vaļsts symtgadis svineibom i ir veļtejums Latgolys kongresa symtgadei.

Spēlis mierkis – izveiduot školu jaunīšim pīmāruotu, myusdīneigu datorspēli, kurei ļautu apzynuot Latgolys kulturviesturei 33 zeimeigys personys, īpazeit 19. gs. beigu – 21. gs. tipiskys dorba, studeju vidis, kas kolpuojušys par atkluojumu i sasnāgumu vītu zynomuokajim nu Latgolys guojušajim zynuotnīkim, muokslinīkim, sabīdryskajim darbinīkim, gareidznīkim, apjaust slovoneibu sasnāgumus, nūzeimeiguokūs atkluojumus i atzinis, īsajust slovoneibu dzeivēs, paraugūt ari jūs hobijus. Tai dalyktys 5 minispēlis, kas atkluoj Latgolys īvārojamūs cylvāku hobijus.

Spēli īspiejams izmontuot vuiceibu stuņdēs, vuicūtīs Latgolys viesturi, kulturys, muokslys, zynuotnis viesturi. Tamā izmontuota latvīšu i latgalīšu literaruo volūda. Spēle jau da šam veiksmeigi prezentāta vairuokūs pasuokumūs.

Spēlis prezentaceja i nūdūšona spālātuojim online režimā nūtiks 9. storptautyskajā latgalistikys konfereņcē 1. decembrī.

Komentari slāgti.