Kuorsovā nūtiks pruota spēle “Aļberts”

LaKuGa 18. Novembris, 2016. gods Comments Off on Kuorsovā nūtiks pruota spēle “Aļberts”

Treis svātdīnis piec kuortys Kuorsovys muzykys i muokslys školā nūtiks pruota spēle “Aļberts”, kurū organizej bīdreiba “SK KUORSOVA”, viestej informaceja bīdreibys Facebook lopā.

Spēlei teik aicynuotys dasasaceit treis cylvāku komandys bez vacuma i dzymuma īrūbežuojuma, rokstūt eisziņu iz telefona numeri 26142049, nūruodūt komandys nūsaukumu i dalinīku vuordus i uzvuordus.

Spēlis mierki ir radeit vareibu vysu vacumu dzeivuotuojim atteisteit logikys, atminis, radūšuos dūmuošonys i pruota spiejis, breneigi pavadeit breivū laiku draugu i saimis lūkā, kai ari saistūšā veidā veicynuot dzeivuotuoju interesi par vysvysaidom temom.

Pasuokums nūtiks treis pūsmūs: 27. novembrī, 4. decembrī i 11. decembrī 13.00 Kuorsovys muzykys i muokslys školys 2. stuovā.

Vaira informacejis – pasuokuma nūlykumā

15123295_568694096659226_7292044791495732422_o

Komentari slāgti.