Kolnasāta 26. novembrī

LaKuGa 26. Novembris, 2016. gods Comments Off on Kolnasāta 26. novembrī
Kolnasāta 26. novembrī

Viesturiskūs kuormu restauraceja Latgolā – cik ir taidu kuormu, kurī gaida sovu nuokušū dzeivi, kai i cik kvalitativi nūteik restauraceja i parkū tū vyspuor dareit?

Dace Dambe apsaver Preiļu muižys piļs pīmāru – grafu Borhu pilī ir bejuse lauksaimisteibys škola, vydsškola, ari šyušonys cehs. Itūšaļt piļs ir Preiļu dūmis paspuornē i vaļsts nūzeimis kulturys pīminekli gryb atjaunuot. Īrokstā par tū, kas ar tū nūsadorboj, cik uztycami ir byuvnīki i kai pili planavoj izmontuot piec tam.

Par kūpejū situaceju Latgolā teik runuots ar Vilmu Platpīri, kas voda Vaļsts Kulturys pīminekļu aizsardzeibys inspekcejis Latgolys nūdaļu, nu arhitekts Pīters Blūms stuosta par Ludzys Leluos sinagogys, Rēzeknis Zaļuos sinagogys i Daugovpiļs cītūkšņa restauraceju.

Komentari slāgti.