Suokusēs dasasaceišona Rēzeknis Mozūs kulturys i turisma projektu konkursam

Suokusēs dasasaceišona Rēzeknis Mozūs kulturys i turisma projektu konkursam

img

Da 2017. goda 1. februara var īsnēgt projektus Rēzeknis Mozūs kulturys i turisma projektu finansiešonys konkursā, kū organizej pošvaļdeibys agentura “Rēzeknes Kultūras un tūrisma centrs”, informej tuos puorstuove Maija Upeniece.

Projekti juorealizej laika pūsmā nu 2017. goda 1. marta da 10. decembra. 2017. goda projektu konkursa prioritate – Ceļā iz Latvejis symtgadi.

Projektu konkursa mierkis ir finansiali atbaļsteit kulturys i turisma daudzveideigu i kvalitativu pīduovuojumu Rēzeknis piļsātā i veicynuot sabīdreibys leidzdaleibu Rēzeknis piļsātys kulturys i turisma atteisteibā. Projektu konkursā var pīsadaleit i juridiskys personys, i pylngadeigys i reiceibspiejeigys fiziskys personys. Izviertejūt īsnāgtūs projektus, komiseja pīškir papyldpunktus tim projektim, kurī atbylst goda prioritatei.

Finansiejums tiks pīškierts da 50 % nu īsnāgtuo projekta summys, partū pīškiertuo leidzfinansiejuma lelums nadreikst byut mozuoks par EUR 220,00 i nadreikst byut leluoks par EUR 2850,00. Kūpejais budžets projektu konkursa atbolstam – EUR 10 000.

Projektu dasacejumi juoīsnādz personeigi voi juonūsyuta pa postu: Pošvaļdeibys agenturai “Rēzeknes Kultūras un tūrisma centrs”, Piļs īlā 4, Rēzeknē, LV-4601 (349.kab.).

Konkursa nūlykums i dasacejuma veidlopys

Karteņa: momenti.lv (Evija Godiņa)

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]