Kolnasāta 17. decembrī

LaKuGa 18. Decembris, 2016. gods Comments Off on Kolnasāta 17. decembrī
Kolnasāta 17. decembrī

Īskots “Kolnasātys” puormaiņuos jaunajā godā. Raidejums iz prīšku tiks veiduots Latvejis Radejis Latgolys studejā, ar puorsaceļšonu komandu papyldynuos Ēriks Zeps, kas byus raidejuma vadeituojs Latgolys studejā. Ēriks voda tradicionaluos muzykys nūdaļu Juoņa Ivanova Rēzeknis muzykys vydsškolā, studej muzikologeju muzykys akademejā, kai ari voda postfolklorys grupu “Rikši”. Raidejumā teik īpazeits jaunais “Kolnasātys” bolss.

Taipat teik atguoduotys interesantuokuos “Kolnasātys” sarunys 2016. godā: diskuseja par BBC kinā attāluotūs “zaļūs ciļvieceņu” darbeibu Latgolā, saruna ar komponistu Andreju Selicki, Elitys Patmalniecis stuosti par sovom Latgolys saknem, kinologs Valdis Bikovskis, arhitekts Pīters Blūms, kurs stuosta, ar kū eipaša Latgolys arhitektura, Vija Piziča i juos gribiešona leidzynuotīs pyrmskara Latvejis juristu elitei, taipat ari saruna par latgalīšu volūdu reklamā i marketingā, i vēļ nabejs sarunys temats raidejumā – Rēzeknis spūku stuosts, kurū stuosteja viesturnīks Muorteņš Mintaurs.

Komentari slāgti.