Aicynoj atbaļsteit kinys “Gambits 1917” turpynuojumu

LaKuGa 20. Decembris, 2016. gods Comments Off on Aicynoj atbaļsteit kinys “Gambits 1917” turpynuojumu

Rodūšuo grupa aicynoj zīduot latgalīšu viesturiskajai eiskinai, kas turpynuotu stuostu par Latgolys liktiņa izlemšonu. Itamā eiskinā tyktu paruodeiti idejiskī struovuojumi, Kempa i Trasuna preteimā stuoviešona i vysbeidzūt Latvejis vaļsts pamatu likšona 1917. goda 26. apreļa Latgolys kongresā.

Eiskinys pyrmizruode paradzāta 2017. goda 7. majā.

Kinys rodūšuo grupa: Inese Mičule (režisore), Andris Slišāns i Arņs Slobožanins (producenti), Valentins Lukaševičs i Oskars Orlovs (scenārejs), Sergejs Čakāns (operators, montaža), Kristaps Rasims, Muorteņs Egliens i cyti (akteri).

Kinys radeišonai naudu var zīduot:
Bīdreibai “Upītes jauniešu folkloras kopa”
Reg. nr. 50008155851
k.n. LV03PARX0016935700001
ar nūruodi “Zīdojums eiskinai”

Itamā pavasarī skateituoju viertiejumam tyka nūdūta kina “Gambits 1917”. Tamā tyka paruodeita Latgolys inteligeņcis – Franča Kempa i Franča Trasuna sasatikšona, kuri, izmontojūt varys vakuumu piec cara guosšonys Krīvejis imperejā, Latgolys latvīšu (latgalīšu) vuordā lem par sovom nuokūtnis perspektivom, teikūt da lāmuma divejus mienešus piečuok sareikuot Rēzeknis 1917. goda viesturiskū apreļa kongresu, kurymā tyka nūlamts, ka Latgolys, Vydzemis i Kūrzemis latvīši ir vīna tauta i Latgolai juoapsavīnoj ar puorejim tūpūšuos Latvejis vaļsts nūvodim vīnā zemē.

Obeju Fraņču lūmuos īsajutuos akteri Kristaps Rasims (Fraņcs Kemps) i Muorteņš Egliens (Fraņcs Trasuns). Kinu veiduoja rodūšuo grupa: režisors Jurs Jonelis, scenareja autori Valentins Lukaševičs, Arņs Slobožanins i Jurs Jonelis, operators Sergejs Čakāns, muzykys autors Kārlis Kazāks. Kina tyka radeita ar interesentu i zīduotuoju atbolstu.

Komentari slāgti.