Ūtrajūs Zīmyssvātkūs svieteis kinys “Cylvāka bārns” 25. jubileju

LaKuGa 22. Decembris, 2016. gods Comments Off on Ūtrajūs Zīmyssvātkūs svieteis kinys “Cylvāka bārns” 25. jubileju

26. decembrī 16.00 Latgolys viestnīceibā GORS nūtiks sasatikšona par gūdu kinys “Cylvāka bārns” 25 godu jubilejam, viestej informaceja latgalesgors.lv.

1991. goda decembrī pyrmizruodi pīdzeivuoja nu jau legendaruo Juoņa Streiča kina “Cylvāka bārns”, kas radeita piec Juoņa Klīdzēja romana motivu. Ituo gods decembrī “Cylvāka bārns” svietej 25 godu jubileju, partū kinys rodūšuo komanda aicynoj iz svātku sasatikšonu i kūpeigu kinys nūsavieršonu.

Jubileja sasatikšonys reizē pīsadaleis kinys režisors Juoņs Streičs, Andrejs Rudzinskis (Boņuks), Juoņs Paukštello (tāvs), Silvestrs Streičs, Agnese Mamaja (Paulīne), Aleksandrs Zeimuļs-Priževoits (Alekss), Eriņu saime i cyti.

Komentari slāgti.