Reigā nūtiks improvizacejis izruode latgalīšu volūdā

LaKuGa 9. Janvars, 2017. gods Comments Off on Reigā nūtiks improvizacejis izruode latgalīšu volūdā
Reigā nūtiks improvizacejis izruode latgalīšu volūdā

19. janvarī 20.00 Reigā, klubā “Četri balti krekli” nūtiks improvizacejis izruode latgaliski “A cik daudzi smīkla 2”.

Izruodi pīduovuos improvizatoru kolektivs “ĀrprāTS”, kas kūpā saguoja 2015. goda vosorā, par sovu mierki izvierzejūt popularizēt taidu improvizacejis teatra žanru kai teatra sports, kuruo pamatā ir teatrala improvizaceja savīnuojumā ar sporta azartu. Izvierzeitais aizdavums ir ruodeit kvalitativu improvizaceju iz skotuvis, kas spiej uzjautrynuot, aizkustynuot i īintrigēt.

Itūšaļt kolektivā dorbojās 24 jaunīši. Parosti iz skotuvis teik spālāts teatra sports, tok itūreiz tiks pīduovuota garuos formys improvizacejis izruode. Tei nav pyrmuo reize, kod “ĀrprāTS” uzastuoj latgaliski, jau vosorā tyka spālāta vīna improvizacejis izruode latgalīšu volūdā.

Vaicojūt, parkū izruode byus latgaliski, kolektiva puorstuovi atsaceja, ka latgaliski spielēs, partū ka vosorys izruode beja cīši veiksmeiga i patyka skateituojim, tok golvonais īmeslis ir taids, ka gondreiž puse “ĀrprāTS” komandys ir nu Latgolys.

Komentari slāgti.