Naujinē atkluos Valda Grebeža personalizstuodi

LaKuGa 19. Janvars, 2017. gods Comments Off on Naujinē atkluos Valda Grebeža personalizstuodi

Naujinis Kulturys centrā 20. janvarī 17.30 nūtiks Valda Grebeža izstuodis “Melns, Balts” atkluošona, viestej informaceja Daugovpiļs nūvoda sātyslopā.

Valdis Grebežs ir omotu meistars keramikā, nūsadorboj puorsvorā ar telpiskuo keramikys panno izveidi, tok struodoj na tik ar muolu, nu ari ar kūku, styklu, gāzbetonu, klyugom, akmini i cytim materialim. Regulari pīsadola i regionalajuos, i vaļsts, i storptautyskajuos izstuodēs. Juo dorbi rūtoj privatkolekcejis Vuocejā, Pūlejā, Norvegejā, Anglejā, Zvīdrejā, Šveicē, Krīvejā, Boltkrīvejā, Dānejā, Italejā, Austrejā, Fraņcejā, ASV, Kanadā, Korejā, Izraelā.

Vokora gaitā byus vareiba sasatikt ar muokslinīku, kai ari apsavērt keramiskūs gleznu veiduošonys paraugdemonstriejumus.

Komentari slāgti.