Šovā “Īstās latvju saimnieces” pīsadaleis ari Ilze Stabulniece

Šovā “Īstās latvju saimnieces” pīsadaleis ari Ilze Stabulniece

Nu 1. februara trešdīnēs 19.30 LTV1 tiks ruodeita šova “Īstās latvju saimnieces” 3. sezona, kurymā par golvonū bolvu sasaceņss septenis eistys saimineicys nu vysys Latvejis. Jūs vydā itūreiz vīna latgalīte – Ilze Stabulniece nu Kruoslovys nūvoda.

Ilze Stabulniece ir Kruoslovys nūvoda Kaplavys pogosta “Klajumu” saimineica. Ilze saimnīkoj gondreiž symtgadeigā saimisteibā, kas atsarūn pi poša rūbeža ar Boltkrīveju. Juos sirdslīta i ari kasdīnys nūsadorbuošona ir zyrgi. Par tim Ilze zyna piļneigi vysu. Saimisteibā var izbraukt i ar rogovom, i rotim. Ilze ir izslavāta ari ar sovu izcylū gataveišonys muokslu.

Raidejumam par gūdu Ilze speciali darynuoja sovu tautys tārpu, i tū jei muok nest gūdam. Ilzei cīši tyvs ir vyss latviskais. Jei poša soka, ka gadīnī, ka sātai nivīna sīna nav nu kūka, tod ruodīs, ka tei nav eista sāta.

Šova “Īstās latvju saimnieces” pyrmajā sezonā Latgolu puorstuovēja Sarmeite Stepiņa nu Rēzeknis nūvoda, nu ūtrajā – Vija Kudiņa nu Aglyunys i Aina Barsukova nu Kuorsovys nūvoda.

Publicitatis karteņa

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]