“Pi myusim Latgolā” – par Vladislava Luoča pīminekli

LaKuGa 10. Februars, 2017. gods Comments Off on “Pi myusim Latgolā” – par Vladislava Luoča pīminekli
“Pi myusim Latgolā” – par Vladislava Luoča pīminekli

Latgolys kongresa 100. pīminis godā i, sagaidūt Latvejis symtgadi, Rēzeknē tiks pastateits pīmineklis izcylajam latgalīšam i latgalīšu gruomotu izdeviejam Vladislavam Luočam.

Vl. Luoča Latgaļu rakstnīceibys muzeja vadeituojs Pīters Luocs, izruodūt muzeja ekspoziceju, sovu radinīku sauc par latgalīšu drukavuotuo vuorda tāvu.

Jau 1992. godā tyka apsvārta dūma puorvest Vladislava Luoča kopa pīminekli nu Vuocejis i pastateit tū Daugovpilī, kur kaidu laiku atsaroda Vl. Luoča izdevnīceiba. Dīvamžāļ īsaisteituos personys atzyna, ka vēļ nav eistais laiks i beiduos, ka pīminekli kaids var izpūsteit.

Nūviertejūt Vladislava Luoča nūzeimeigū dorbu Latgolys lobā, Pīters Luocs napasadeve i vaicuoja īspiejis i leidzekļus pastatēt pīminekli sovam izcylajam radinīkam.

Apstyprynojūt vaļsts budžetu itam godam, 18 000 eiro nu deputatu kvotu tyka daškiertys Vladislava Luoča pīminekļam, i niu ituos īceris realiziešonā sovu rūku dalykuse i Rēzeknis Tehnologeju akademeja.

Komentari slāgti.