Vareiba virtuali ceļuot pa Preiļu viesturi

LaKuGa 13. Februars, 2017. gods Comments Off on Vareiba virtuali ceļuot pa Preiļu viesturi

Preiļu viesturis i lītiškuos muokslys muzejs, sveicūt Preiļu dzeivuotuojus piļsātys 89. godadīnā, pīduovoj izstuodi – virtualu ceļuojumu Preiļu viesturē.

Izstuode “Preiļi pagātnes mirkļos” bez moksys daīmama vītnē HistoryPin.org. Itys projekts ļaun savīnuot vacuos kartenis ar niulenejūs laiku īlu skotim i izzynuot, kai laika gaitā mainejušuos apdzeivuotuos vītys, taipoš ari atzeimuot kartē cytu viesturiskū informaceju. Digitaluo izstuode izveiduota, izmontojūt Preiļu muzeja kruojumā asūšuos viesturiskuos kartenis. Kūpā muzeja kruojumā globojās ap 7500 vysaiduoku karteņu, nu kurūs gondreiž trešuo daļa atspīgeļoj Preiļu piļsātys paguotni i šaļts nu piļsietnīku kasdīnys.

Preiļu viesturis i lītiškuos muokslys muzeja viesturnīks Vadims Maksimovs stuosta, ka laika gaitā digitaluo karte tiks papyldynuota.

Apsavērt virtualū izstuodi

Karteņa: skots iz Preiļu piļsātu 20. gs. 30. godūs

Komentari slāgti.