“Pi myusim Latgolā” gastej Bolvūs

LaKuGa 27. Februars, 2017. gods Comments Off on “Pi myusim Latgolā” gastej Bolvūs
“Pi myusim Latgolā” gastej Bolvūs

Itūreiz raidejuma “Pi myusim Latgolā” veiduotuoji gastej Bolvūs, kur dzeivoj i struodoj Goda bolvys medicinā 2016 sajiemieja Svetlana Puka i jau 6 godus dorbojās vuojredzeigūs teatra kūpa “Redzēt ar sirdi”.

Kod pyrma vairuoku godu Bolvu Tautys teatra režisorei Vairai Resnei pīduovuoja vadeit nūdarbeibys naredzeigūs bīdreibys cylvākim, jai vēļ nabeja saprasšonys, par kū tys varātu puorsavērst. Tūlaik nūdarbeibys beja viņ kuortejuo Eiropys projekta sastuovdaļa, kas pamozam puorauga par vareibu sevī i cytūs atkluot kū jaunu, puorsteigt leidzcylvākus i sajimt gondarejumu par padareitū.

Režisore Vaira Resne soka, ka svareigokais ir nūticēt sev i dareit nu sirds, i taišni tū jau sešus godus dora vuojredzeigūs teatra kūpa “Redzēt ar sirdi”.

Taipoš juodasoka, ka paguojušuo goda lobuokuo zūbuorste Svetlana Puka ari dzeivoj i struodoj Bolvūs. Juos prakse atsarūn pošā piļsātys centrā, pogolmā aiz duorzkūpeibys veikala. Gaišajuos i plašajuos telpuos Svetlana ar smaidu uzjem sevkuru pacientu. 

Laukūs par konkurenci runys navar byut. Specialistu tryukuma deļ dokture Puka reizi nedeļā brauc ari iz Ruguojim. Poša dokture soka, ka lela daļa specialistu palīk Reigā deļtuo, ka tī jau ir gona daudz klīniku, kuruos struoduot, a ite, regionūs, vyss juosuoc nu jauna, kas prosa cīši lelu finansialū īguļdejumu. Tok Svetlanu Puku gryuteibys nav atturiejušys.

Komentari slāgti.