Jauns īrūsynuojums uzrokstam iz Latgolys kongresa symtgadis pīminekļa

LaKuGa 7. Marts, 2017. gods Comments Off on Jauns īrūsynuojums uzrokstam iz Latgolys kongresa symtgadis pīminekļa
Jauns īrūsynuojums uzrokstam iz Latgolys kongresa symtgadis pīminekļa

Rēzeknē, 6.03.2017.
Rēzeknis piļsātys dūmei
Atbreivuošonys alejā 93, Rēzekne, LV-4601
dome@rezekne.lv

Kopija:
bīdreibai “Latgalieši”
latgalieshi@inbox.lv
 

Par vīnuotu 1917.goda Latgolys kongresam veļteituo pīminekļa uzrokstu

Jamūt vārā vajadzeibu piec vīnuota sabīdreibys atbaļsteita varianta Latgolys kongresa pīminekļa centralajam uzrokstam, mes, apakšā pasarakstejušuos latgalīšu organizacejis i cylvāki, pīduovojam itam mierķam Latgolys kongresa atslāgys frazi:

Mes, Latgolys latvīši…”

Pamatuojums – itei fraze nūruoda iz kongresa rezoluceju, kas ītver sevī gon ideju par Latvejis vīnuoteibu, gon dūd atsauci iz cytom deļ Latgolys na mozuok svareigom lītom, kai volūdys tīseibom. Kas ir svareigai – itam variantam nav praktiski nikaidu pretargumentu voi navālamu blokusefektu, kai tys ir ar Raiņa citata variantu.

Nav ībyldumu par pīminekļa ūtrū (paskaidrojūšū) uzrokstu Vaļsts volūdys centra īsaceitajā redakcejā latgaliski: “1917. goda 26.–27. aprelī (p. v. st.) itymā vītā kinoteatrī “Diana” nūtyka Latgolys kongress, kurs pījēme viesturiskū lāmumu par apsavīnuošonu ar Kūrzemi un Vidzemi”.

 
Reigys latgalīšu bīdreiba “Trešō Zvaigzne” L.Mozga
Latgales tradicionālās kultūras centrs „Latgaļu sāta” M.Zeimule
Latgalīšu kuļturys bīdreiba L.Plavinska
Bīdreiba “Latgolys Saeima” G.Rasims

Komentari slāgti.