Stuostu cyklys par Latgolys kongresu

LaKuGa 15. Marts, 2017. gods Comments Off on Stuostu cyklys par Latgolys kongresu

Desmit stuostu garumā Latvejis Radeja stuosteja par Latgolys kongresa viesturi i nūzeimi. 1917. godā nūtykušajā kongresā Latgolys latvīši lēme par apsavīnuošonu ar puorejim latvīšim, tys beja nūzeimeigs pagrīzīņa punkts Latvejis vaļsts i latvīšu nācejis izveidē.

Stuostu cyklu veiduoje Latvejis Radejis Latgolys multimedeju studeja. Izskaniejušūs stuostus var nūsaklauseit i lejupluodēt Latvejis Radejis sātys lopā. Sovukuort portalā LSM.lv stuostus var ari skaiteit, tī papyldynuoti ar viesturiskom fotografejom.

1. stuosts. Latgola tymsā. Regiona atteisteibu kavejūšī cālūni

2. stuosts. Latgola mūstās. Pīterpiļs i latgalīšu inteligence

3. stuosts. Latgalīšu tyvynuošonuos ar puorejim latvīšim

4. stuosts. Fraņcs Trasuns – latgalīšu izcyluokais politikis

5. stuosts. Fraņcs Kemps – ceineituojs par Latgolys interesem

6. stuosts. Latgolys kongresa prīkšvokors

7. stuosts. Latgolys kongresa pyrmuo dīna

8. stuosts. Latgolys kongresa ūtruo dīna i rezoluceja

9. stuosts. Nazinis laiks ceļā iz vīnuotu Latveju. Latgolys atbreivuošona

10. stuosts. Satversme i Latgolys vaicuojums

 

Karteņā: Pīterburgys šoseja 20. godu symta suokumā, lobajā pusē kinoteatris “Diāna”, kurā 1917. godā nūtyka Latgolys kongresa 1. dīna. Karteņa nu gruomotys: В. Никонов. Резекне Очерки истории с древнейших времен до апреля 1917 года.

 

Komentari slāgti.