Preiļūs prezentēs gruomotu “Latgalietis XXI gadsimtā”

LaKuGa 25. Apreļs, 2017. gods Comments Off on Preiļūs prezentēs gruomotu “Latgalietis XXI gadsimtā”
Preiļūs prezentēs gruomotu “Latgalietis XXI gadsimtā”

3. majā Preiļūs nūtiks 1917. goda Latgolys kongresa symtgadei veļteitī pasuokumi, kurūs centraluo nūtikšona byus fotogruomotys “Latgalietis XXI gadsimtā” prezentaceja.

Svātku dīna īsasuoks 11.00 ar dīvkolpuojumu Preiļu Rūmys katuoļu draudzis bazneicā. 12.00 tiks suokts gruomotys “Latgalietis XXI gadsimtā” prezentacejis pasuokums gostu sātā “Pie Pliča”, nu 15.00 Preiļu nūvoda kulturys centrā, kurymā jau apsaverama izstuode “Latgalietis XXI gadsimtā”, varēs sasatikt ar gruomotys i izstuodis dorbu autorim.

Kai informej Latgolys fotografu bīdreibys vadeituojs Igors Pličs, gruomotā “Latgalietis XXI gadsimtā” byus atrūnamys cylvāku kartenis nu vysu Latgolys nūvodu (ari Varakļuonu, Krystpiļs i Īlyukstis). Paguojušajā godā tyka izsludynuots taida poša nūsaukuma fotokonkurss, kurymā pīsadaleja 134 fotografi nu vysys Latvejis ar vaira nakai 2 tyukstūšom karteņu. Izstuodē apsaverami 60 dorbi, nu gruomotā īkļauti 80 autoru 285 dorbi.

Gruomotys prezentacejā tiks paziņuoti ari četri lobuokī dorbi, kas piec žūrejis viertiejuma sajims naudys premejis.

Komentari slāgti.