“Pi myusim Latgolā” par Latgolys kongresu

LaKuGa 5. Majs, 2017. gods Comments Off on “Pi myusim Latgolā” par Latgolys kongresu
“Pi myusim Latgolā” par Latgolys kongresu

1917. goda Latgolys kongresā Rēzeknē tyka pījimta rezoluceja, kas nūsaceja latgalīšu tīseibys apsavīnojūt ar puorejuom latvīšu apdzeivuotuom teritorejom. Raidejumā “Pi myusim Latgolā” Latgolys sabīdriskī darbinīki doluos redzīņūs, par 1917. goda Latgolys kongresa lāmumim, Latgolys symtgadis kongresu i kū nu tuo sagaideit.

Agris Bitāns pīzyna, ka 1917. gods Latgolys kongresa rezoluceja ir vārā jemams dokuments, kas izsoka latgalīšu grybu, i vaļdeibai pījamūt lykumus, beja juojam vārā rezoluceja, kab nasarostu pretrunys.

Pīters Luocs pastreipoj, ka Latgolys Symtgadis kongress ir pasauļa mārūga pasuokums, tok jam ir švuorbys, voi nu tuo byus augleigi rezultati.

Harijs Bernāns aicynoj izrunuot vaicuojumus par Latgolys ekonomiskū atteisteibu, kab mozynuotu bezdorba leimini. Sovpus Andris Slišāns akcentej latgalīšu volūdys lītuošonys breiveibu.

Alberta Spoģa dāls Gregors Spoģis nūruoda, ka latgalīšim datryukst vīnuoteibys.

Komentari slāgti.