“Pi myusim Latgolā” sasateik ar Vuocejis latgalītem

LaKuGa 10. Juņs, 2017. gods Comments Off on “Pi myusim Latgolā” sasateik ar Vuocejis latgalītem
“Pi myusim Latgolā” sasateik ar Vuocejis latgalītem

Itūreiz raidejums “Pi myusim Latgolā” sasateik ar divejom latgalīšu mārgom nu Vuocejis, kab dazynuotu, kai latgalīšu volūda i kultura izdzeivoj i atsateista svešumā.

Žurnaliste Dace Dambe sasatyka ar Vuocejis latgalītem – Latvīšu kulturys bīdreibys “Saime” vadeituoju Lauru Putāni i juos lobū rūku Karīnu Cīgleri (Ziegler). Izaruod, ka obejis mārgys, dzeivojūt Vuocejā, sagloboj sovu volūdu i tradicejis. Juos paspiejušys saorganizēt latvīšu dzīšmu svātkus.

Laura i Karīna ir paskaitejušys, ka Štutgartis apleicīnē dzeivoj ap 200 aktivu tautīšu. Mārgys stuosta, ka Dīnvydvuocejā latvīšu kulturys dzeive atsateista, partū ka tī palics gona daudzi trymdys latgalīšu i pādejūs godūs sabraucs gona lels skaits latvīšu.

Komentari slāgti.