Sastdiņ Ludzu pīskandynuos Lelais Latgaļu tiergs

LaKuGa 13. Juņs, 2017. gods 0
Sastdiņ Ludzu pīskandynuos Lelais Latgaļu tiergs

Tyvojūtīs Juoņa dīnai, Ludzā jau tradicionali teik svieteits Lelais Latgaļu tiergs. Itūgod tys Ludzys piļskolnu pīskandynuos sastdiņ, 17. junī, nu 10.00 da 16.00, informej Ludzys turisma informacejis centra puorstuovi.

Itūgod tierga apmaklātuojus sagaida na tik tierguošonuos, nu ari vysvysaidi puorsteigumi. Byus vareiba nūsafotografēt iz Ludzys piļs fona senejā tārpā, vareiba izveiduot pošam sovu vaiņuku voi rūtu naīrostā veidā, taipat byus dzīsmis, senejuos dejis, amatīrteatru skeči, postfolklorys grupys “Rikši” azartiskuos dzīsmis, stuosts par latvju zeimem, tradicejom i zynuošonom sarunuos ar Irenu Saprovsku. Pasuokuma beiguos, kai jau vysod, paradzāts Saulgrīžu rits kūpā ar folklorys kūpu “Egle”.