Juoņa dīnys vokorā LTV1 varēs vērtīs izruodi “Latgola.lv 2”

LaKuGa 14. Juņs, 2017. gods Comments Off on Juoņa dīnys vokorā LTV1 varēs vērtīs izruodi “Latgola.lv 2”
Juoņa dīnys vokorā LTV1 varēs vērtīs izruodi “Latgola.lv 2”

Pošā Juoņa dīnys vokorā, 24. junī, 21.20, Latvejis Televizejis 1. kanalā “Teātris.zip” nūslēgs sovu pīktū sezonu ar Latvejis Nacionaluo teatra izruodi “Latgola.lv 2”, viestej informacejis televizejis sātyslopā.

Kod nūleiguots i sagaideits jau mīreiguoks Juoņu vokors, eistyn vītā i laikā saīt kūpā, kab nūsavārtu vīnu ļusteigu i sirsneigu izruodi par jau zynomim varūnim, kas dzeivoj Latgolys laukūs, Ontanu i Anni (Pīters Liepiņš i Dace Bonāte) i jūs sābrim Pīteri i Mari (Voldemārs Šuoriņš i Indra Burkovska). Vysaiduokys nūtikšonys, nasaprasšonys, cylvāku kaisleibys i mīlesteiba nūīt laika riņdžu nu Juoņu da Zīmyssvātku.

“Teatris.zip” sezonys nūslāguma raidejumā pyrma izruodis pīsadaleis raidejuma vadeituojs Ojārs Rubenis i akteri Dace Bonāte, Pīters Liepiņš, kurs gastej Ontana lūmā nu Dailis teatra, Indra Burkovska, Voldemārs Šuoriņš i Muorteņš Egliens.

Publicitatis karteņa

Komentari slāgti.