Kruoslovys Rūmys katuoļu bazneica svieteis 250 godu jubileju

Kruoslovys Rūmys katuoļu bazneica svieteis 250 godu jubileju

Nu 28. juņa da 2. juļa Kruoslovys Rūmys katuoļu bazneicā nūtiks Sv. Donata svātku atlaidu dīvkolpuojumi, kai ari svātku pasuokumi par gūdu bazneicys 250 godu jubilejam.

28. junī Kruoslovys Viesturis i muokslys muzejā nūtiks Kruoslovys Rūmys katuoļu bazneicys jubilejam veļteituo bārnu zeimiejumu konkursa uzvarātuoju apbolvuošona, tiks atkluota izstuode “Krāslavas Sv. Ludvika Romas katoļu baznīcai – 250” i nūtiks konfereņce “Krāslavas katoļu baznīcai 250”. 18 stuņdēs paradzāts Sv. Mišs par vysim prīsterim, kas kolpuojuši Kruoslovys katuoļu draudzē.

29. junī tiks svieteiti apostolu Pītera i Puovula svātki. 8 stuņdēs byus Sv. Mišs ar Euharistiskū proceseju, Svātī Miši ari 9.30 i 11.30. 13 stuņdēs bazneicys kryptā tiks atkluota žālsirdeibys muosys Celīnys Plāteris pīminis pluoksne. Pusstuņdi piec tuo vareiba dūtīs ekskursejā iz Kruoslovys katuoļu kopim, nu 16 stuņdēs bazneicā paradzāts jaunīšu pasuokums, kam 18.00 sekuos ari jaunīšu Sv. Mišs. Piec tuo 19.00 baroka muzykys ansambļa “KESSELBERG ENSEMBLE” koncerts.

30. junī byus četri Sv. Miši (8 stuņdēs ar euharistiskū proceseju, 9.30 Sv. Mišs bazneicys kryptā par grafu Plāteru dzymtu, 11.30 i 18.00). 16.00 bazneicā nūtiks ari vargaņu muzykys koncerts, nu 19.00 – senejuos muzykys ansambļa “LUDUS” koncerts.

Sastdiņ, 1. junī, 8.00 Sv. Mišs i Euharistiskuo proceseja, nu 9.30 Sv. Mišs Sv. Donata kapleicā. Piec Sv. Miša 11.30 paradzāta ari ekskurseja pa Kruoslovys katuoļu bazneicu, nu 14 stuņdēs nu bazneicys tiks suokta ekskurseja pa Kruoslovys piļsātu. 17.30 paradzāts pyutieju orkestra “SEJNY” nu Pūlejis guojīņs nu 18. novembra laukuma da Sv. Ludvika laukuma. Pyutieju orkestris pīsadaleis ari Sv. Mišā 18.00, piec tuo paradzāts vēļ ari orkestra koncerts.

Svātku kulminaceja byus svātdiņ, 2. junī, kod 11.45 tiks sagaideits veiskups Juoņs Bulis, kurs 12 stuņdēs celebrēs Sv. Mišu. Tymā nūtiks ari īstyprynuošona, byus Euharistiskuo proceseja.

Nūtikšonu kalendars

Dec
11
Ūtr
14:00 Viesturis šaļteņu pītura “Piemin... @ Latgolys Kulturviesturis muzejs
Viesturis šaļteņu pītura “Piemin... @ Latgolys Kulturviesturis muzejs
Dec 11 @ 14:00
Viesturis šaļteņu pīturā pīminēs vyspuseigū Latgolys personeibu Ontonu Slišānu, atguoduos kūpā muzejā pavadeituos šaļts, byus sasatikšona ar O. Slišāna tyvinīkim.Drukavuot
Dec
13
Cat
19:00 Gruomotys “Latgales pēdējie mohi... @ Reigā, Veru īlā 6
Gruomotys “Latgales pēdējie mohi... @ Reigā, Veru īlā 6
Dec 13 @ 19:00
Gruomotys "Latgales pēdējie mohikāņi" attaiseišona @  Reigā, Veru īlā 6 | Rīga | Latvija
Gruomota topuse vairuoku ekspediceju rezultatā, kuruos folkloriste i Zīdūņamuzeja pietneica Rūta Šmite kūpā ar antropologi i fotografi Elīnu Kursīti vuokušys cylvāku stuostus i īmyužynuojušys Latgolys mozcīmu īdzeivuotuojus fotografejuos. Gruomotu veidoj 52 stuosti, kurus papyldynoj vizuali boguoteigys[...]